1:28 AM
ពេលចង់ទាញយកវីដេអូក្នុង YouTube
ចូលកុំព្យូទ័រឬទូរសព្ទម្ដងៗ ប្រិយមិត្តត្រូវបង្ខំចិត្តដំឡើង
Add On
ឬកម្មវិធីសម្រាប់ដោនឡូតវីដេអូមួយចំនួនដាក់លើកុំព្យូទ័រឬទូរសព្ទជាមុនសិនទើបបាន។
ចំពោះអ្នកជំនាញប្រើទូរសព្ទ
ឬកុំព្យូទ័រប្រាកដជាមានភាពងាយស្រួលក្នុងការតំឡើងកម្មវិធីសម្រាប់ដោនឡូតវីដេអូទាំងអស់នោះ
តែចំពោះអ្នកដែលមិនសូវជំនាញប្រហែលជាលំបាកបន្តិចហើយ។
តែកុំបារម្ភ បញ្ហាទាំងនេះអាចដោះស្រាយបាន
ហើយប្រិយមិត្តក៏មិនបាច់ចំណាយពេលច្រើនទៅដំឡើងកម្មវិធីទាំងនោះនាំតែអស់
Space (ម៉េមូរី) ទូរសព្ទ ឬកុំព្យូទ័រឥតប្រយោជន៍នោះទេ។
អ្នកទាំងអស់គ្នាគ្រាន់តែធ្វើតាមវិធីងាយៗដូចខាងក្រោមនឹងអាចទាញយកវីដេអូដែលត្រូវការដាក់ក្នុងទូរសព្ទឬកុំព្យូទ័របានពុំខានឡើយ៖
-ដំបូងប្រិយមិត្តដែលប្រើកុំព្យូទ័រ ឬ Smartphone គ្រប់ម៉ូដែលទាំងអស់អាចចូលទៅកាន់ Web Browser ណាមួយ (Firefox, Chrome, Internet Explorer…) ដែលអ្នកគិតថាងាយស្រួលនិងដើរលឿន រួចវាយ www.youtube.com ហើយ Search ឬជ្រើសយកវីដេអូណាមួយដែលអ្នកចង់ដោនឡូត។
-បន្ទាប់មកអ្នកនឹងឃើញ Link របស់វីដេអូដែលអ្នកជ្រើសរើសនោះនៅក្នុងប្រអប់ (ដូចរូប) ហើយវាយអក្សរ "ss" បន្ថែមពីមុខពាក្យ youtube ចូលក្នុង Link មួយនោះ។ ឧទាហរណ៍៖ https://www.ssyoutube.com/watch?v=FhlqIZ33zVw
-ពេលដែលអ្នកវាយអក្សរ "ss” ចូល Link រួចហើយ ចុច Enter នោះអ្នកនឹងឃើញព័ត៌មានលម្អិតទាក់ទងនឹងប្រភេទឬកម្រិតភាពច្បាស់នៃវីដេអូ (ដូចជា FLV 240p, MP 4 360p...)។ ដូច្នេះអ្នកគ្រាន់តែចុចលើប្រភេទឬកម្រិតភាពច្បាស់នៃវីដេអូណាមួយដែលអ្នកចង់បាន បន្ទាប់មកចុចពាក្យថា Save/Save file (បើមាន) រួចចុច OK ហើយរង់ចាំរហូតដល់ការដោនឡូតបញ្ចប់។
*សម្រាប់កុំព្យូទ័រ បើចង់រកវីដេអូដែលបានដោនឡូតនោះគ្រាន់តែចុចលើសញ្ញាព្រួញ (ដូចរូប) ឬវាយ Ctrl+J នោះអ្នកនឹងឃើញវីដេអូដែលបានដោនឡូតនោះ។
*សម្រាប់ Windows Phone សូមចូលទៅកាន់ Video។
*សម្រាប់ Android សូមចូលទៅកាន់ Gallery។
*បញ្ជាក់៖ គន្លឹះសម្រាប់ដោនឡូតនេះអាចប្រើការបានទាំងលើកុំព្យូទ័រនិងទូរសព្ទគ្រប់ម៉ូដែលទាំងអស់។
ប្រិយមិត្តបានសាកល្បងឬនៅ? ប្រសិនមានបញ្ហាណាមួយឬមានគន្លឹះផ្សេងពីនេះ មិត្តទាំងអស់គ្នាអាចបញ្ចេញមតិនៅខាងក្រោម។
0 comments:
Post a Comment