មុខងារ​ពិសេស​ប្រើ​សម្រាប់​ផ្ទេរ​​រូបភាព​រវាង​ iPhone ​ដែល​អ្នក​ប្រហែល​មិន​ដឹង​

AirDrop គឺ​ជា​មុខងារ​មួយ​មាន​ស្រាប់​នៅ​លើ​ឧបករណ៍​​ iDevice ដែល​វា​​អាច​ផ្ទេរ​រូបភាព​ ឬ​ឯកសារ​​ពី​ iDevice មួយ​ទៅ​កាន់​ iDevice មួយ​ទៀត​ដែល​នៅ​ក្បែរ​គ្នា​ ​បាន​យ៉ាង​ងាយ​ស្រួល​បំផុត។ ត្បិត​ថា​មាន​មនុស្ស​ភាគ​ច្រើន​ដឹង​ពី​វិធី​ប្រើ​ ប៉ុន្តែ​នៅ​មាន​មួយ​ភាគ​តូច​ប្រហែល​មិន​បាន​ដឹង​នៅ​ឡើយ។​ ដូច​នេះ​ Sabay នឹង​បង្ហាញ​ពី​វិធី​ប្រើ​ដូច​ខាង​ក្រោម៖

​​ អ្វី​ដែល​ត្រូវ​មាន​៖

-iPhone ចាប់​ពី​ម៉ូដែល​ iPhone 5 ឡើង​ទៅ​

-iPad Pro

-iPad ជំនាន់​ទី​បួន​ឡើង​ទៅ​

-iPad mini

-iPod Touch

បញ្ជាក់​៖ ​គ្រប់​ iDevice ខាង​លើ​ត្រូវ​តែ​ដំណើរ​ការ​​ដោយ​​ប្រព័ន្ធ​ប្រតិបត្តិការ​ iOS ចាប់​ពី​ជំនាន់​ទី​ 7 ឡើង​ទៅ

@ដើម្បី​ប្រើ​ប្រាស់​ដំបូង​ឡើយ​ត្រូវ​បើក​មុខងារ​ AirDrop លើ​ iDevice ទាំង​ពីរ​ដែល​ចង់​ផ្ទេរ​រូបភាព​ ដោយ​ចូល​កាន់​ Control Center រួច​ចុច​លើ​ AirDrop បន្ទាប់​មក​ចុច​យក​ពាក្យ​ Everyone

@បន្ទាប់​ពី​បើក​មុខងារ​នេះ​រួច​អ្នក​អាច​ផ្ទេរ​រូបភាព​បាន​ដោយ​ជ្រើស​រើស​រូបភាព​​ណា​មួយ​ដែល​ចង់​ផ្ទេរ​ រួច​ចុច​លើ​ពាក្យ​ "Share” ឬ​សញ្ញា “Share” ​ដែល​នៅ​ខាង​ក្រោម​ផ្នែក​​ខាង​ឆ្វេង

@បន្ទាប់​មក​នៅ​ត្រង់​ AirDrop ​ចុច​លើ​ឈ្មោះ​ឧបករណ៍​ដែល​អ្នក​ចង់​ផ្ទេរ​រូបភាព​ទៅ​

@ពេល​នោះ​នៅ​លើ​ឧបករណ៍​មួយ​ទៀត​នឹង​លោត​ផ្ទាំង​​មួយ។ នៅ​លើ​ផ្ទាំង​នោះ​ចុច​លើ​ពាក្យ​ Accept ដើម្បី​យល់​ព្រម​ទទួល​រូបភាព​​​​