12:07 AM
ក្រៅពីពាក្យបច្ចេកទេសដែលនិយមឃើញមានលើទូរសព្ទ iPhone
សប្ដាហ៍នេះ Sabay សម្រង់ចេញនូវពាក្យថ្មីផ្សេងទៀត
ដែលខ្លះមានទាក់ទងនឹងបច្ចេកវិទ្យាលើកុំព្យូទ័រ។
ក្នុងនោះរួមមានពាក្យ AAC, APN និង Bandwidth
តើពាក្យទាំងអស់មានអត្ថន័យនិងការប្រើប្រាស់បែបណាខ្លះ?
១.AAC
ACC មានពាក្យពេញ Advanced Audio Coding សហការបង្កើតឡើងដោយក្រុមហ៊ុនធំៗជាច្រើនរួមមាន Nokia, Sony Corporation និង AT&T Bell Laboratories ជាដើម។ ប្រកាសដាក់ឲ្យប្រើប្រាស់ជាលក្ខណៈអន្តរជាតិនៅខែមេសា ឆ្នាំ ១៩៩៧។
ជាភាពជោគជ័យបន្ទាប់ពីឯកសារ MP3 ដោយទូទៅ AAC ត្រូវបានគេស្គាល់ថាមានគុណភាពសំឡេងប្រសើរជាង MP3 ហើយមានទំហំផ្ទុកទាបជាង។ ប្រើប្រាស់យ៉ាងពេញនិយមជាមួយឯកសារចម្រៀងដែលបង្ហោះនៅលើប្រព័ន្ធអ៊ីនធឺណិត, កុំព្យូទ័រ, ទូរសព្ទនិងក្នុងឧបករណ៍ស្ដាប់ចម្រៀងមួយចំនួនផ្សេងទៀត។ បច្ចុប្បន្នឯកសារស្តង់ដារថ្មីរបស់ AAC រួមមានបន្ថែម AAC+ និង AAC++។
២.APN
APN ឬពាក្យពេញ Access Point Name ជាឈ្មោះសម្គាល់នៃប្រព័ន្ធ GSM/GPRS/3G និង 4G ក៏ដូចជាប្រព័ន្ធដំណើរការអ៊ីនធឺណិតនៅលើកុំព្យូទ័រ។ ទាក់ទងនឹងស្មាតហ្វូន ខណៈបើអ្នកពុំបានវាយបញ្ចូលឈ្មោះនៃប្រព័ន្ធ APN ស្ថិតក្នុង Settings នោះទេ អ្នកពុំអាចដំណើរការប្រើប្រាស់អ៊ីនធឺណិតចេញពីស៊ីមបានឡើយ លើកលែងតែករណីខ្លះស្មាតហ្វូននោះមានប្រព័ន្ធចាប់ APN ដោយស្វ័យប្រវត្តិ។
អ្នកប្រើប្រាស់មិនអាចធ្វើការផ្លាស់ប្ដូរព័ត៌មានផ្សេងៗក្នុង APN ដោយឯកឯងបានឡើយ ត្រូវវាយទៅតាមការកំណត់ពីក្រុមហ៊ុនសេវាទូរសព្ទ ទើបអាចដំណើរការប្រព័ន្ធអ៊ីនធឺណិតបាន។ សម្រាប់ Android អ្នករកមើល APN បានតាមរយៈ Settings > រកពាក្យ Mobile Networks > ហើយចូល Access Point Names ចុ
ចលើ New APN រួចធ្វើការបំពេញ និង iOS ចូលទៅកាន់ Settings > Cellular > ចុច Cellular Data Options > Cellular Network។
៣.Bandwidth
ពាក្យបច្ចេកទេសមានអត្ថន័យច្រើន។ ក្នុងន័យគណនា Bandwidth ជាអត្រានៃខ្នាតប៊ីត (Bit-rate) ដែលបង្ហាញពីពហុគុណនៃប៊ីតក្នុងមួយវិនាទី (Bits per second)។ គេទម្លាប់និយាយថាប្រព័ន្ធអ៊ីនធឺណិតដែលមានទំហំ Bandwidth ធំ អាចអនុញ្ញាតឲ្យយើងធ្វើការប្រើប្រាស់ស្រាវជ្រាវបានរហ័ស ទាំងការទស្សនាវីដេអូលើអ៊ីនធឺណិតអ្វីជាដើម។ ខ្នាតសំខាន់ៗនៃ Bandwidth រួមមានដូចជា Bytes, Kilobytes, Megabytes, Gigabits...។
ឧទាហរណ៍ថាទំហំ 60 Mbps ឬ 60 Mb/s ដែលវាជាទំហំទិន្នន័យបញ្ជូននៃប្រព័ន្ធអ៊ីនធឺណិត ដោយស្មើនឹង 60 លានប៊ីត (Megabits) ក្នុងមួយវិនាទី។ អ្នកអាចដឹងបានថាតើទំហំ Bandwidth នៃប្រព័ន្ធអ៊ីនធឺណិតដែលអ្នកប្រើប្រាស់មានទំហំប៉ុន្មាន ដោយចូលទៅសាកល្បងតាមរយៈ Link នេះ (http://www.speedtest.net/) ។ បើសួរថាតើទំហំ Bandwidth ប៉ុណ្ណាល្មមនឹងអ្នកប្រើប្រាស់? ចម្លើយគឺផ្អែកលើកញ្ចប់សេវាដែលអ្នកបង់ទៅឲ្យក្រុមហ៊ុនផ្គត់ផ្គង់អ៊ីនធឺណិតនិងតម្រូវការប្រើប្រាស់របស់អ្នកផ្ទាល់។
0 comments:
Post a Comment