ចង់​ចេះ​ទិញ​ទំនិញ​តាម eBay គ្មាន​អី​ពិបាក​ទេ Sabay ប្រាប់តែ​មួយ​ក្បាច់​ ចេះខ្ទេច

eBay Inc. ជា​ក្រុមហ៊ុន​លក់​ទំនិញ​អនឡាញ​មាន​មូលដ្ឋាន​នៅ​សហរដ្ឋអាមេរិក ដែល​បង្កើត​ឡើង​នៅ​ឆ្នាំ ១៩៩៥ ហើយ​បច្ចុប្បន្ន​កំពុង​ទទួល​បាន​ភាព​ជោគជ័យ​ខ្លាំង។ ជា​គេហទំព័រ​ Online ដែល​អនុញ្ញាត​ឲ្យ​អ្នក​ប្រើប្រាស់​ដាក់​លក់​និង​ទិញ​ប្រភេទ​ទំនិញ​រាប់​ម៉ឺន​មុខ ដែល​ភាគ​ច្រើន​មាន​ទាំង​ផលិតផល​របស់​ប្រទេស​ចិន, ហុងកុង និង​អាមេរិក។​ ​ ថ្ងៃ​នេះ Sabay បង្រៀន​អ្នក​ទាំង​អស់​គ្នា អំពី​វិធី​ទិញ​ទំនិញ​លើ​គេហទំព័រ eBay ឲ្យ​បាន​ត្រឹមត្រូវ។

១.ដំបូង​ធ្វើ​ការ Register Account ជា​មុន​សិន

• -ចូល​ទៅ​កាន់​គេហទំព័រ eBay > ចុច​ត្រង់​ពាក្យ Register ដែល​មាន​នៅ​ផ្នែក​ខាង​លើ​ចំហៀង​ខាង​ឆ្វេង

• -បំពេញ​ព័ត៌មាន​ទាក់ទង​នឹង​ខ្លួន​យើង​ផ្ទាល់ សូម​យក Email និង​លេខ​ទូរសព្ទ​ពិត​ប្រាកដ (ជា​ចាំ​បាច់) → ចុច​ Register

• -ចំណុច​បន្ទាប់​អ្នក​អាច​ធ្វើ​ការ Verify លេខ​ទូរសព្ទ​តាម​រយៈ​កូដ​សម្ងាត់​ដែល​ផ្ញើ​សារ​ចូល​ Message ក្នុង​ទូរសព្ទ​ទៀត​ក៏​បាន (ដោយ​ចុច​ Text me a Pin) មិន​ចាំ​បាច់​ក៏​បាន (No thanks. Let's go shopping instead.)

២.ចូល​ដល់​ចំណុច​នេះ យើង​អាច​សាកល្បង​ទិញ​ទំនិញ​បាន​ហើយ

• -នៅ​ផ្នែក​ខាង​លើ​មាន​ជម្រើស​ប្រភេទ​ទំនិញដូច​ជា Fashion, Electronics, Collectibles & Art អ្វី​ជា​ដើម ឬ​ម្យ៉ាង​ទៀត​ធ្វើ​ការ Search ផ្ទាល់ ឧបមា​ថា​អ្នក​ចង់​បាន USB Flash

• -នៅ​ត្រង់​កន្លែង Short (ដូច​បង្ហាញ​ក្នុង​រូបភាព) ជា​ជម្រើស​នៃ​តម្លៃ​ទំនិញ​ដែល​យើង​អាច​កំណត់ ឧទាហរណ៍: Price + Shipping: lowest first មាន​ន័យ​ថា តម្លៃ​ទំនិញ+ថ្លៃ​ដឹក​ជញ្ជូន: ថ្លៃ​ទាប​បំផុត Time: Newly Listed មាន​ន័យ​ថា​​ ប្រភេទ​ទំនិញ​ថ្មី​បំផុត Price: Highest First មាន​ន័យ​ថា​ប្រភេទ​ទំនិញ​មាន​តម្លៃ​ថ្លៃ​បំផុត

• -ក្រោយ​អ្នក​ធ្វើ​ការ Select មួយ​ណា ជម្រើស​នោះ​វា​នឹង​លោត​មក​លើ​គេ​បង្អស់​ក្នុង​បញ្ជី​ទំនិញ​ដែល​អ្នក​បាន​ស្វែងរក

+គួរ​ទិញ​ទំនិញ​ប្រភេទ​ណា​ទើប​មាន​ហានិភ័យ​ទាប​បំផុត?

• -ដើម្បី​ទិញ​ទំនិញ​ដែល​មាន​ភាព​ទុកចិត្ត​ខ្ពស់ ត្រង់​កន្លែង​ខាង​មុខ​ទំនិញ​ មាន​ដូច​ជា​ចំនួន Sold, Product Ratings, តម្លៃ និង​ផលិតផល​មក​ពី​ប្រទេស​ណា ជា​អ្វី​ដែល​អ្នក​ត្រូវ​គិត​មុន​នឹង​ទិញ។ ត្រូវ​ទិញ​នូវ​ទំនិញ​ណា ដែល​មាន​ចំនួន Sold ច្រើន ហើយ Product Rating ខ្ពស់ ព្រោះ​វា​ជា​ការ​វាយ​តម្លៃ​នៃ​ភាព​ពេញ​ចិត្ត​ពី​សំណាក់​អ្នក​ដែល​បាន​ទិញ​ហើយ​ មក​លើ​ទំនិញ​មួយ​នោះ ទើប​ជា​ជំហាន​បន្ទាប់​យើង​ធ្វើ​ការ​ប្រៀបធៀប​តម្លៃ​និង​ផលិតផល​មក​ពី​ប្រទេស​ណា?

ឧបមា​ថា​យើង​សម្រេច​ចិត្ត​ទិញ USB ប្រភេទ SanDisk ទំហំ 32GB ដែល​ទំនិញ​នោះ​ធ្លាប់​លក់​បាន​ដល់ ១៦ ០៤៣ ដង ហើយ​ការ​វាយ​តម្លៃ​ឡើង​ដល់ ២១៨ ដង​ខ្ពស់​ជាង​គេ​បង្អស់។

• -ចូល​ដល់​ទំព័រ​មួយ​នេះ កុំ​ទាន់​ចុច Buy it Now ភ្លាម ត្រូវ​បញ្ជាក់​ជាមួយ: -​​ ចំនួន​នៃ​ទំនិញ (Quanity: 1) ជៀសវាង​ច្រឡំ​ចុច​យក​ច្រើន
• -មើល​ទីតាំង Shipping ថា ​មក​កម្ពុជា​ត្រូវ​ឬ​នៅ ដោយ​ចុច​លើ See Details (តម្លៃ Shipping របស់​អ្នក​លក់​មួយ​នេះ ថ្លៃ ១,៩០ ដុល្លារ) អ្នក​ក៏​អាច​យក​ទៅ​ប្រៀបធៀប​ជាមួយ​អ្នក​លក់​ផ្សេង​ទៀត​សិន​បាន
• -ត្រង់​កន្លែង Returns ករណី​នេះ អ្នក​លក់​ខ្លះ​ដាក់​ចំនួន​ថ្ងៃ Returns ខ្ពស់​ដល់ ៦០ ថ្ងៃ វា​ជា​រឿង​មិន​ល្អ​ឡើយ ដោយ​នេះ​មាន​ន័យ​ថា​ករណី​បើ​ទំនិញ​មិន​មក​ដល់​ក្នុង​រយៈ​ពេល ៣០ ថ្ងៃ អ្នក​លក់​នឹង​បង្វែរ​លុយ​ចូល​មក​កាន់​កុង​ធនាគារ​យើង​វិញ (តែ​ថ្លៃ​ទំនិញ​ប៉ុណ្ណោះ) ប៉ុន្តែ​ថ្លៃ​ដឹក​ជញ្ជូន​យើង​ត្រូវ​ចេញ​ដោយ​ខ្លួន​ឯង
• -មើល Positive Feedback ម្តង​ទៀត ឧទាហរណ៍​អ្នក​លក់​ឈ្មោះ courtesytrading ទទួល​បាន​ដល់ ៩៩,៤ ភាគរយ ផ្ដល់​មក​ពី​មតិ​ល្អ​សុទ្ធសាធ។
• -ក្រោយ​មើល​ចប់​ > ចុច Buy It Now

​៣.វិធី​ដាក់​ទីតាំង​ផ្ញើ​ទំនិញ​ឲ្យ​មក​ដល់​ខេត្ត/ក្រុង​យើង​ត្រឹមត្រូវ

• -ចូល​ដល់​ផ្ទាំង Provide Your Address សូម​បំពេញ​ឲ្យ​បាន​ដិតដល់​និង​ជាក់លាក់​បំផុត
• -ត្រង់​កន្លែង Address ទី ១ បំពេញ​ដាក់​ឈ្មោះ​ខេត្ត/ក្រុង​របស់​អ្នក (ឧទាហរណ៍: Battambang) .Address ទី ២ អាច​ដាក់​ក៏​បាន​មិន​ដាក់​ក៏​បាន (ឧទាហរណ៍: Romjek 5 Village)

• -ត្រង់ City ដាក់​នៅ​ឈ្មោះ​ក្រុង​របស់​អ្នក ដែល​ទីតាំង​នោះ​​មាន​មន្ទីរ​ប្រៃសណីយ៍ ករណី​បើ​ក្នុង​ខេត្ត/ក្រុង​របស់​អ្នក​គ្មាន អ្នក​មិន​អាច​ទិញ​ទំនិញ​បាន​ឡើយ ព្រោះ​ទំនិញ​ទាំង​អស់​ដំណាក់​កាល​ដំបូង​ធ្លាក់​នៅ​ប្រៃសណីយ៍​ស្ថិត​ក្នុង​ទីក្រុង​ភ្នំពេញ បន្ទាប់​មក​ទើប​គេ​ទម្លាក់​មក​តាម​ខេត្ត​ដែល​មាន​ប្រៃសណីយ៍​រៀងៗ​ខ្លួន
• -ត្រង់​ Postal Code សូម​ចូល​មក​កាន់ Link នេះ ហើយ​ស្វែង​រក​ឈ្មោះ​ឃុំ​របស់​អ្នក ជាមួយ​លេខ​ប្រចាំ​តំបន់​នោះ (ឧទាហរណ៍: ភូមិ​រំចេក ៥ ស្ថិត​ក្នុង​ឃុំ​រតនៈ មាន​លេខ​ Postal Code 020203)

• -លេខ​ទូរសព្ទ​សូម​ដាក់​ឲ្យ​ត្រឹមត្រូវ ព្រោះ​ពេល​ទំនិញ​មក​ដល់ បុគ្គលិក​នៅ​ប្រៃសណីយ៍​នឹង​ទំនាក់ទំនង​មក​យើង​ផ្ទាល់ ឲ្យ​ទៅ​យក​តាម​រយៈ​លេខ​ដែល​យើង​បំពេញ​នោះ

• -ចុច Continue

៤.វិធី​បំពេញ​ព័ត៌មាន​ចេញ​ពី​កាត​ធនាគារ ​ដើម្បី​ទូទាត់​ថ្លៃ​ទំនិញ (ចុង​ក្រោយ​)
​- ជំហាន​ចុង​ក្រោយ​បង្អស់ គឺ​ដល់​ដំណាក់​កាល​បង់​លុយ​ឲ្យ​ eBay ហើយ

• -បើ​អ្នក​មាន​គណនី PayPal អាច Select លើ​វា​បាន ប៉ុន្តែ​បើ​មាន​តែ​កាត Master Card ឬ Visa Card ធម្មតា សូម​យក​ជម្រើស Credit or debit Card

• -ត្រង់​កន្លែង Security Code គឺ​ជា​កូដ ៣ ខ្ទង់​ដែល​មាន​នៅ​ផ្នែក​ខាង​ក្រោយ​កាត
• -ចុច​គ្រីស​លើ​ប្រអប់ Remember ព្រោះ​នៅ​ពេល​ក្រោយ​អ្នក​មិន​ចាំ​បាច់​វាយ​បញ្ចូល​ព័ត៌មាន​នៃ​កាត​ម្ដង​ទៀត​ឡើយ
• -បញ្ជាក់​ Billing Address ម្ដង​ទៀត រួម​មាន​ឈ្មោះ​ខេត្ត/ក្រុង និង លេខ​ទូរសព្ទ
• -បញ្ជាក់​ថ្លៃ​ទំនិញ​និង​ដឹក​ជញ្ជូន​ម្ដង​ទៀត
• -ចុច Done ជា​ការ​ស្រេច។​

យ៉ាងណាមិញ​បើ​ប្រិយមិត្ត​មាន​ចម្ងល់​ត្រង់​ចំណុច​ណា​មួយ អាច​ Comment នៅ​ខាង​ក្រោម​ហើយ​ Sabay នឹង​បន្ត​រក​ដំណោះស្រាយ​ទៅ​កាន់​ប្រិយមិត្ត​អ្នក​អាន​បន្ថែម​ទៀត​តាម​ដែល​អាច​ធ្វើ​ទៅ​បាន៕