កំណត់​មុខងារ​ Find my iPone ​រក​ iPhone iPad ឬ iPod ពេល​បាត់

អ្នក​ប្រើ​ទូរសព្ទ​​មួយ​ចំនួន​តូច​តែង​មាន​ការ​ភ្លេច​ភ្លាំង​ដោយ​ច្រឡំ​ដៃ​ទុក​ទូរសព្ទ​ចោល​នៅ​កន្លែង​ណា​មួយ​ដោយ​មិន​ដឹង​ខ្លួន​ ហើយ​ទូរសព្ទ​នោះ​ថែម​ទាំង​ដាក់​ Silent មិន​ឮ​​សំឡេង​ថែម​ទៀត​ ដូច​នេះ​ធ្វើ​ឲ្យ​ពិបាក​រក។ ប៉ុន្តែ​ជា​មួយ​ iPhone មាន​មុខងារ​ពិសេស​មួយ​ដែល​អាច​រក​ទូរសព្ទ​បាន​យ៉ាង​ងាយ

ខាង​ក្រោម​ជា​ការ​បង្ហាញ​ពី​វិធី​រក​ទូរសព្ទ​ iPhone ឬផលិតផល​ iDevice ដទៃ​ទៀត​ដែល​បាត់៖

១. ត្រូវ​ចាំ​ថា​ដើម្បី​អាច​ស្វែងរក​បាន​លុះ​ត្រា​តែ​ឧបករណ៍​អ្នក​បាន​ Setup មុខងារ​ Find My iPhone រួច​រាល់​ស្រាប់​

@​​តាម​រយៈ​ឧបករណ៍​ចូល​ទៅ​កាន់​ Setting → iCloud រួច​បញ្ចូល​គណនី​ Apple ID (ឈ្មោះ​ និង​លេខ​សម្ងាត់) របស់​អ្នក​ដើម្បី​ចុះ​ឈ្មោះ​ចូល​ក្នុង​ iCloud នោះ

​@ក្រោយ​​ពី​ចូល​ទៅ​ក្នុង​ iCloud រួច​ស្វែង​រក​ពាក្យ​ថា​ Find My iPhone រួច​ចុច​ដំណើរ​ការ​មុខងារ​ Find My iPhone

២. វិធី​ស្វែង​រក​នៅ​ពេល​ទូរសព្ទ​បាត់

@តាម​រយៈ​កុំព្យូទ័រ ឬ​ ឧបករណ៍​អ្វីដែលអាច​បើក​វិបសាយ​បាន​ ចូល​ទៅ​កាន់​វិបសាយ​ www.icloud.com រួច​វាយ​បញ្ចូល​គណនី​ Apple ID អ្នក

@បន្ទាប់​មក​ចុច​លើ​ពាក្យ​ Find My iPhone

@បន្ទាប់​មក​ទៀត​ត្រង់​ All Devices ចុច​លើ​ពាក្យ​នោះ​ រួច​ជ្រើស​រើស​យក​ឈ្មោះ​ទូរសព្ទ​អ្នក ពេល​នោះ​នឹង​លោត​ផ្ទាំង​មួយ​ចេញ​មក​ដែល​បង្ហាញ​ពី​ទូរសព្ទ​អ្នក​​​

@នៅ​ត្រង់​ពាក្យ​ Play Sound គឺ​ទូរសព្ទ​នឹង​បន្លឺ​សំឡេង​ឡើង​ពេល​ដែល​ចុច​លើ​ពាក្យ​នោះ​ ទោះ​បី​ជា​ទូរសព្ទ​ដាក់​ Silent ក្ដី​។ ចំណែក​ Erase iPhone គឺ​លុប​ចោល​ទិន្នន័យ​ដែល​មាន​លើ​ឧបករណ៍​ទាំង​អស់។

@នៅ​ត្រង់​ពាក្យ​ Lost Mode វិញ​ គឺ​តម្រូវ​ឲ្យ​បញ្ចូល​​​លេខ​ទូរសព្ទ​​ដើម្បី​អាច​ឲ្យ​អ្នក​ដែល​រើស​ទូរសព្ទ​បាន​​ងាយ​ស្រួល​ទាក់​ទង​​ទៅ​ម្ចាស់​ដើម​ និង​សារ​ដែល​​បង្ហាញ​លើ​អេក្រង់​ទូរសព្ទ​ថា​ទូរសព្ទ​បាន​បាត់។ ពេល​ដែល​ប្រើ​មុខងារ​នេះ​វា​នឹង​ធ្វើ​ការ​ចាប់​ទីតាំង​របស់​ទូរសព្ទ​ជាប់​ជានិច្ច។​​​

​​

បញ្ជាក់​ថាក្រៅ​ពី​រក​តាម​រយៈ​កុំព្យូទ័រ​គេ​ក៏​អាច​ រក​ឧបករណ៍​ដែល​បាត់​តាម​រយៈ​ផលិត​ផល​ iDevice ផ្សេង​ទៀត​ ដោយ​ប្រើ​ប្រាស់​កម្មវិធី​ Find My iPhone បាន​ផង​ដែរ ដោយ​តម្រូវ​ឲ្យ​បញ្ចូល​គណនី​ Apple ID របស់​ឧបករណ៍​ដែល​បាត់​នោះ៕

x