របៀប​ទាញ​យក​ឯកសារ​ពី Torrent

17 September 2013 គន្លឹះ និងដំណោះស្រាយ មតិ

កាល​ពី​ប្រកាស​មុន សំបុកអាយធី​បាន​រៀបចំ​អត្ថបទ​ខ្លី​មួយ​ និយាយ​ពី​ការ​ស្វែងយល់​អំពី Torrent ដែល​ក្នុង​នោះ​មាន​បញ្ជាក់​ពី​គុណសម្បត្តិ និង​ផល​ប៉ះពាល់​ផងដែរ ។ ថ្ងៃនេះ​សំបុកអាយធី សូម​លើក​យក​អត្ថបទ​គន្លឹះ​លម្អិត​មួយ ដែល​ដក​ស្រង់​ចេញពី​ប្លង់​របស់​លោក ឡង់ ឌី ដោយ​បាន​បកស្រាយ​ម្តង​មួយ​ចំនុចៗពី​ការប្រើប្រាស់​ និង​ទាញ​យក​ឯក​សារ​តាម​រយៈ Torrent ។

លោកអ្នក​​ប្រាកដ​ជា​ដឹង​ហើយ​ថា Torrent គឺ​វែបសាយ​ដ៏​ពេញ​និយម​ដែល​ផ្ទុក​ទៅ​ដោយ​ឯកសារ​ជា​ច្រើន​ដូចជា​ កម្មវិធី​កុំព្យូទ័រ ហ្គេម​កុំព្យូទ័រ វីដេអូ…. ជា​ដើម ប៉ុន្តែ​ការ​ទាញ​យក​ឯកសារ​ពី​ Torrent គឺ វា​ទាម​ទារ​ឲ្យ​មាន​កម្មវិធី​ជំនួយ​គឺ Torrent Download Clients ដូច​ជា Bit Torrent និង Utorrent ។ល។

Torrent គឺ​​ជា​កម្ម​វិធី​សម្រាប់​ទាញយក និង​ Upload ឯកសារ​បាន​លឿន​ពី​អ្នក​ប្រើ​ប្រាស់​​មួយ​​ទៅ​​អ្នក​​ប្រើ​ប្រាស់​ផ្សេង​ទៀត ( Peer-to-peer )​ តាម​អ៊ីនធឺណិត​។ ដំណើរ​ការ​របស់​ Torrent គឺ​សម្រាប់​​​អ្នក​​ចូល​​រួម​ប្រើ​​កម្មវិធី​បញ្ជូន(Upload)​ និង​ទទួល​ឯកសារ​ (Download) ពី​កុំព្យូទ័រ​ផ្សេងៗ​​ទៀត​ដោយ​ប្រើប្រាស់​កម្មវិធី​ Torrent client ។

កម្មវិធី​ទាំងអស់​នោះ​នឹង​បើក​ឯកសារ​ .Torrent ហើយ​​ភ្ជាប់​ទៅ​កាន់​អ្នក​ប្រើប្រាស់​ដទៃ​ទៀត​ដែល​ប្រើ​ Torrent ដើម្បី​ទាញ​យក​ឯកសារ​ពី​ពួក​គេទៅ​តាម​ទិន្នន័យ​ដែល​ផ្ទុក​ក្នុង​ ឯកសារ​ .Torrent ដែល​អ្នក​បាន​បើក ។ ដូច​នេះ​អ្នក​អាច​ប្រើ​កម្មវិធី​នេះ​សម្រាប់​ទាញ​យក​​ឯកសារ​ធំៗ​ ដូច​ជា​វីដេអូ​ ចម្រៀង​ ដោយ​ Download តាម​រយៈ​ Torrent file ។ ខាង​ក្រោម​នេះ​ខ្ញុំ​នឹង​បង្ហាញ​ចំណុច​សំខាន់​ខ្លះ​ៗ​នៅ ក្នុង​កម្មវិធី​ Torrent ដូច​ខាង​ក្រោម ៖

តើ​ Seed គឺ​ជា​អ្វី​នៅ​ក្នុង​កម្មវិធី​ Torrent ?

Seed គឺ​ជា​ចំនួន​កុំព្យូទ័រ​របស់​នរណា​ម្នាក់​​​ ( Peer ) ដែល​មាន​ទិន្នន័យ​ Torrent គ្រប់គ្រាន់​សម្រាប់​ចម្លង ហើយ​នៅ​តែ​ដំណើរ​ការ​ផ្ដល់​ទិន្នន័យ​នៅ​លើ​បណ្ដាញ​ Network របស់​ Torrent ។ ដូច​នេះ​ចំនួន​ Seed កាន់​តែ​ច្រើន​គឺ​កាន់​តែ​ល្អ​សម្រាប់​ទាញ​យក​​ឯកសារ​ពី​ Torrent បាន​ច្រើន ។

តើ​ Peer គឺ​ជា​អ្វី​នៅ​ក្នុង​ Torrent ?

Peer គឺ​ជា​ចំនួន​អ្នក​ប្រើប្រាស់​កុំព្យូទ័រ​ផ្សេង​ទៀត​ដែល​ទាញ​យក​ឯកសារ​ដោយ​ប្រើប្រាស់​កម្មវិធី​ Torrent ហើយ​ដែល​អ្នក​ភ្ជាប់​ទៅ​កាន់​ពួក​គេ​និង​ផ្លាស់​ប្ដូរ​បញ្ជូន​ទិន្នន័យ​ទៅ​វិញ​ទៅ​មក ។ ហើយ​ជា​ធម្មតា​ Peer មួយ​មិន​មាន​ទិន្នន័យ​ Torrent ពេញលេញ​ទេ​ គ្រាន់​តែ​មាន​ផ្នែក​ខ្លះ​ ៗ ប៉ុណ្ណោះ​ ។ តែ​យ៉ាង​ណា​ Peer ក៏​អាច​បញ្ជូន​ទិន្នន័យ​បាន​ខ្លះ​ផង​ដែរ ។

តើ leech គឺ​ជា​អ្វី ?

Leech សំដៅ​ទៅ​លើ​អ្នក​ប្រើប្រាស់​កម្មវិធី​ Torrent ដែល​កំពុង​ទាញ​យក​ទិន្នន័យ​ពី​ Torrent ប៉ុន្តែ​មិន​បាន​ផ្ដល់​ការ​Upload បាន​ច្រើន ឬ អ្នក​ប្រើប្រាស់​ដែល​បញ្ឈប់​ការ​ចែក​រំលែក​​បន្ទាប់​ពី​ការ​ទាញ​យក​ទិន្នន័យ​បាន​រួចរាល់ ។

Traker គឺ​ជា​អ្វី?

Traker គឺ​ជា​ម៉ាស៊ីន​មេ​ដែល​ឃ្លាំ​មើល​ចំនួន​ Seed និង​ Leech នៅ​ក្នុង​បណ្ដាញ​ Torrent ។

ខាង​ក្រោម​នេះ​នឹង​​បង្ហាញ​​លោក​អ្នក​​​​ពី​របៀប​មើល​នូវ​ចំនុច​ខាង​លើ​នេះ​ដូច​ជាមើល Seed , Peer, Leech ដើម្បីងាយ​ពិនិត្យ​មើលថា តើ File ឬ​ឯកសារ​នោះ​នឹង​អាច​ទាញយក​បាន​រហ័ស​ដែរឬទេ? ​

ពេល​ដែល​មើល​តាម​រូប​ខាង​លើ​គឺ​ថា​ពេល​ដែល​អ្នក​ទាញ​យក​អ្វី​មួយ​ពី Torrent គឺ​អ្នក​ត្រូវ​តែ​មើល​ចំនួន Seed  បើ​ឃើញ​មាន​ចំនួន​កាន់​តែ​ច្រើន​នោះ​ការ​ទាញយក​នឹង​ទទួល​បាន​ល្បឿន​លឿន ។
ពេល​មើល​អស់​ហើយ​សូម​ធ្វើ​ការ​ទាញ​យក​ឯកសារ​ Torrent សូម​មើល​រូប​ខាង​ក្រោម៖

ពេល​ធ្វើ​ការ​ទាញយក​រួច​ហើយ អ្នក​នឹង​បាន​ឯកសារ​មួយដែល​មានជាទម្រង់ .torrent សូម​ធ្វើ​ការ​បើក​វា​ជា​មួយ​ Torrent Download Clients ដែល​បាន​រៀប​រាប់​រួច​មក​ហើយ​ខាង​លើ។
សូមដំឡើង​កម្មវិធី​ Torrent Download Clients នៅ​លើ​កុំព្យូទ័រ​របស់​អ្នក​ហើយ ចុច​បើក​ឯកសារ​ដែលជា .torrent ដែល​អ្នក​បាន​ទាញ​យក​រួច​មក​ហើយនោះ សូម​មើល​រួប​ខាង​ក្រោម​នេះ

នេះ​ជា​ឯកសារ​ដែល​កំពុង​តែ​ទាញ​យក និង​ល្បឿន​ពេញ​​​ជាទីពេញចិត្ត៖

វែបសាយ​មួយ​ចំនួន​ដែលផ្តល់​ Torrent សម្រាប់​ទាញយក​មាន​ដូច​ជាៈ

·         H33T.com

·         Torlock

·         TorrentHound

·         Isohunt.com

·         ThePirateBay.se

·         ExtraTorrent.com

·         Torrent Crazy