[គន្លឹះខ្លី] ដោះស្រាយបញ្ហា Touch ID មិនដំណើរការ iOS 8.3

3 May 2015 គន្លឹះ iPhone ១ មតិ

Touch ID ជាមុខងារ​ពិសេសមួយ ដែលមាន​នៅក្នុង iPhone និង​​ iPad ជំនាន់ថ្មីៗ ដែលផ្តល់​ភាព​ងាយស្រួលដល់​លោកអ្នក​ក្នុងការ​ប្រើប្រាស់ ដោយ​ជំនួស​ការ​វាយ​សម្ងាត់​ ជាមួយការប្រើប្រយៅដៃ​ស្គេន វិញ ។ វាជាមូលហេតុ​សុវត្ថិភាព និងបំពេញ​តម្រូវការ​អ្នក​ប្រើប្រាស់​ឲ្យបានពេញលេញ​បន្ថែម ប៉ុន្តែចុះ​បើ វាមិន​ដំណើរការ​នៅ​ក្នុង iOS 8.3 ថ្មី ដែល​លោកអ្នក​ទើប Update តើបណ្តាល​មកពី​មូលហេតុ​អ្វី និងដោះស្រាយ​ដោយ​របៀបណា? សំបុកអាយធី នឹង​បង្ហាញ​ជូន​លោកអ្នក​ដូចខាងក្រោមនេះ ។

អត្ថបទ​គួរអាន៖ គន្លឹះ​​ប្រើ Touch ID នៅ​ក្នុង iPhone

មូលហេតុ​ដែល​ Touch ID មិនដំណើរការ

កត្តាមួយចំនួន​បណ្តាលឲ្យ Touch ID មិនដំណើរការ​ភាគច្រើន គឺមកពីការ Jailbreak ឬការប្រើប្រាស់ Tweak មួយចំនួន ដែលមាន​ផលប៉ះពាល់​យ៉ាងខ្លាំង​ទៅលើ​ថាមពលថ្ម អាយុកាលថ្ម កម្តៅលើអេក្រង់ និង​ផ្នែករឹង (Hardware) មួយចំនួនទៀត ដូចជា Touch ID ជាដើម ។ វាជាសំណាង​ល្អ ប្រសិន​បើ​លោកអ្នក​អាច Restore iOS មកជំនាន់ចុងក្រោយបង្អស់ តាមរយៈការប្រើ iTunes ហើយ Touch ID លោកអ្នក​អាចដំណើរការ​ធម្មតា តែមិនដូច្នេះលោកអ្នក​ប្រហែលជាត្រូវការ​សេវាជួសជុល លើផ្នែកនេះជាក់​ជាមិនខាន ។

វិធី​ដោះស្រាយបញ្ហា Touch ID មិនដំណើរការ iOS 8.3

បញ្ហាដែល​កើតឡើង​ក្នុង iPhone ឬ iPad នីមួយៗ​អាចបណ្តាល​មកពី​មូលហេតុ​ផ្សេងៗគ្នា និងតាមជំនាន់​ផ្សេងគ្នា ដូចជា iOS 8.1.3 ឬ iOS 8.2 ហើយត្រូវការវិធី​ដោះស្រាយ​ផ្សេងគ្នា​ផងដែរ ។ ខាងក្រោមនេះ ជាវិធីដោះស្រាយសម្រាប់ iOS 8.3 ដែលសំបុកអាយធី បានសាកល្បង​ហើយទទួលបាន​ជោគជ័យ ។

1.    សូមចូលទៅកាន់ Settings នៅក្នុង iPhone ឬ iPad លោកអ្នក

2.    សូម Tap លើ Touch ID & Passcode

3.    សូមបញ្ចូល Passcode ឬលេខសម្ងាត់ (Password)

4.    សូមបិទ (OFF) iTunes & App Store

5.    ចុចលើប៊ូតុង Home ដើម្បី​ត្រឡប់មកផ្ទាំង​ដើមខាងមុខ (Home Screen)

6.    បន្ត​មកទៀត សូម Reboot ដោយបិទ ចុចប៊ូតុង Power ហើយបិទ និងបើក​ឡើង​មកវិញ

7.    សូមវាយ​លេខ Passcode ឬលេខសម្ងាត់ បើលោកអ្នកបានកំណត់​នៅពេល​បើក​ដំបូង វានឹងចេញ Lock Screen

8.    ចូលទៅកាន់ Settings ដដែលដូចខាងលើ

9.    សូម Tap លើ Touch ID & Passcode

10. វាយបញ្ចូល Passcode ឬ Password ថ្មី

11. សូមបើក (ON) iTunes & App Store ។

វាជាវិធីងាយមួយ ដែលលោកអ្នក​អាចសាកល្បង​ដោះស្រាយ ដោយខ្លួនឯង ជាដំបូង​ប្រសិនបើ លោកអ្នក​ជួបប្រទះបញ្ហាដូចបានរៀបរាប់​ខាងលើ ។ អ្វីដែល​លោកអ្នកគួរជៀសវាង ដើម្បី​កុំឲ្យមានបញ្ហានេះ គឺកុំ Jailbreak កុំប្រើកម្មវិធី ឬ Tweak ណាមួយ​តាមការណែនាំ​របស់អ្នក​គ្មាន​ជំនាញ​វិជ្ជាជីវៈ​លើ​ផ្នែកនេះ ។ សូមអាន​ការណែនាំឲ្យច្បាស់​ពី​ប្រភពណាមួយ ដែល​លោកអ្នក​ទុកចិត្ត មុននឹងសម្រេចចិត្តអនុវត្តន៍ ។

អត្ថបទទាក់ទង៖ មូលហេតុ​ ៥​ ដែល​អ្នក​មិនគួរ Jailbreak iOS 8 ដាច់ខាត

សូមដាក់មតិខាងក្រោម ប្រសិនបើ​លោកអ្នកអនុវត្តន៍តាម​បានជោគជ័យ តែបើលោកអ្នកមិនអាចដោះស្រាយបាន ឬមានជម្រើសផ្សេង​ដែល​ល្អជាងនេះ សូមចែករំលែក​ក្នុង​ប្រអប់​មតិខាងក្រោមផងដែរ ។ ក្រុមការងារសំបុកអាយធី នឹងព្យាយាម​ស្វែងរក​ដំណោះស្រាយ​បន្ថែម តាមលទ្ធភាព​ដែលអាចធ្វើបាន ។